Bu alt bölmədə həm hazır Məhsulları, həm də Texkartaları yaratmaq və üzərində bütün əməliyyatları etmək mümkündür. Əvvəlcə Məhsul və Texkarta anlayışlarını nəzərdən keçirək.
Alınan və alındığı kimi (formada) satılan mallar Cloposda Məhsul adlanır. Məsələn: Coca-cola, siqaretlər, saqqız, qutu meyvə şirələri və s.
Texkarta isə tərkibinə müxtəlif inqredientlər daxil edilərək hazırlanan yeməklər və içkilərdir. Məsələn: şaurma, kokteyl, pizza və s.
Hamısı
Bu seçimi etdikdə aşağıdakı siyahıda həm texkartalar, həm də hazır məhsullar görünür.
Bunun üçün sağ yuxarı küncdə olan Yarat düyməsindən istifadə edirik. Açılan pəncərədə İlk olaraq Məhsul yaratmaq üçün düyməni vuraq.
Buraya hazır məhsulun adını yazırıq. Ad yazarkən (yaradarkən) diqqət etməli olduğumuz bəzi məqamlara nəzər salaq. Tutaq ki, hazır halda aldığımız və eyni formada satdığımız Coca-cola içkisini yaradırıq. Biz Coca-colanı müxtəlif qablaşdırmalarda alıb-satırıq. 0,33 litrlik plastik qablaşdırmada, 0,5 litrlik plastik qablaşdırmada, 0,35 litrlik dəmir qablaşdırmada və s. Bu zaman Coca-colanı yaratmaq üçün bizim 2 yolumuz var. Hazır məhsulları tək-tək - Coca-cola (0,33 litr, plastik), Coca-cola (0,5 litr, plastik), Coca-cola (1 litr, plastik) kimi yaratmalıyıq. Yaxud da sadəcə Coca-cola yaradaraq ölçü vahidlərini və qablaşdırmaları variant olaraq yaratmalıyıq. Variantlar barədə növbəti bölmədə daha ətraflı məlumat veriləcək.
Bu xanaya hazır məhsulun barkodu yazılır. Barkod hər bir məhsul üçün özəl olur və təkrarlana bilməz. Satış terminalına barkod oxuyucu qoşaraq məhsullarınızı barkodla da sata bilərsiniz.
Maksimum qaytarılma gününü təyin etmək vacib amillərdəndir. Əgər siz tez xarab olan məhsul istehsal edib satırsınızsa və bu məhsul günlər, həftələr sonra sizə geri qaytarıla bilməz. Bu zaman siz həmin məhsulu yaradarkən mütləq Maksimum qaytarılma gününü müvafiq rəqəmdə göstərməlisiniz ki, satışdan göstərdiyiniz gün qədər keçdikdən sonra əməkdaşlarınız o məhsulu geri qaytarılma əməliyyatı edərək qaytara bilməsinlər.
İkram xanasını işarələdikdə həmin məhsulu əməkdaşlarınız həm sata həm də hədiyyə olaraq verə bilərlər. Satış terminalında müvafiq məhsul əlavə edildikdən sonra məhsulun üzərinə vurduqda açılan pəncərə məhsulun İkram edilməsini işarələməklə qiymətini 0-a çevirmək imkanı vardır.
Pors seçimi adətən hazırlanan yeməklərə aid olur. Texkarta yaradarkən daha geniş istifadə edilir. Lakin bəzi hazır məhsulları da 0,5 pors, 2 pors kimi satmaq istəyirsinizsə bu zaman həmin məhsulu yaradarkən Pors işarəsini seçin.
Bəzi məhsulları maya dəyərindən cüzi fərqlə satış edirsiniz və həmin məhsulun qətiyyən endirimlə satılmasına icazə vermirsiniz. Bu zaman müvafiq xananı işarələməlisiniz.
Bu xananı işarələməklə həmin məhsulun çəki ilə satıldığını bildirisiniz. Bu halda həmin məhsulu satış terminalında satmaq istədikdə sistem onun şəkisini soruşur. Çəki yazıldıqdan sonra isə qiyməti hesablayaraq ekrana çıxarır.
Siz məhsulları yaradarkən hər filiala görə ayrı satış qiyməti təyin edə bilərsiniz. Məsələn eyni məhsulun bir filialınızda 10, digər filialınızda isə 12 manata satılmasını istəyirsiniz. Bu zamana müvafiq açarı sürüşdürməklə açılan pəncərədə bunu qeyd edə bilərsiniz.
